Urtero bezala, Aranguren Ibarreko Udalak euskarazko kanpaldietan parte hartuko duten ikasleentzako dirulaguntzak eskainiko dizkie, hona hemen oinarriak.<\/p>\n
Laguntza horiek ez dira baliagarriak izango Aranguren Ibarreko Udalak kudeatzen edo diruz laguntzen dituen kanpalekuetarako, horiek kuotatik kendutako dirulaguntza baitaramate. Kanpoan geratuko dira, halaber, barnetegi-erregimenik behar ez duten txangoak edo bidaiak eta herrian edo inguruan egiten diren jarduerak.<\/p>\n
A eta D ereduko LH edo DBHko ikasleei zuzenduta dago plan hau, eta eskatzaileek, gainera, Aranguren Ibarrean erroldatuta egon beharko dute kanpamenduak irauten duen bitartean eta laguntza eskatzen den unean.<\/p>\n
Egonaldia eskatzen duten euskarazko kanpamenduek eragindako gastuei aurre egitera dago bideratuta laguntza. Egonaldia ezin izango da 5 egunetik beherakoa (4 gau) eta 15 egunetik gorakoa (14 gau). Oporraldiaren barruan egon behar dute, hau da, ekainaren 22tik irailaren 8ra. Haur bakoitzeko kanpamentu batentzako dirulaguntza emango da.<\/p>\n
Eskabideak irailean aurkeztuko dira egoitza elektronikoan edo Udal Erregistroan, sinatutako eskabide baten bidez. Eskabidearekin batera, oinarrietako 5. puntuan zehaztutako agiriak aurkeztu beharko dira.<\/p>\n
2024ko EUSKARAZKO UDAKO UDALEKUETARAKO DIRULAGUNTZEN DEIALDIAREN OINARRIAK (D eredua) (.pdf 1MB)<\/a><\/p>\n 2024ko UDAKO EUSKARAZKO UDALEKUETARAKO DIRULAGUNTZEN DEIALDIAREN OINARRIAK (A eredua) (.pdf 1MB)<\/a><\/p>\n