Zabalik Aranguren Ibarreko Bertso Eskolan izena emateko epea
Eskolaz kanpoko jarduera hau urritik maiatzera bitarteko asteazkenero egingo da, 18:30etik 19:30era, Espacio Joven 31192 Gazte Gune berrian.
Aranguren Ibarreko Udaleko Euskara Zerbitzuak, 2025eko irailaren 8tik 26ra, Bertso Eskolako 2025-2026 ikasturterako izena emateko epea ireki du. Eskolaz kanpoko euskarazko jarduera honek Ibarreko gazteei bertsotan inprobisatzen ikasteko aukera ematen die.
Saioak urritik maiatzera bitartean asteazkenetan izango dira, 18:30etik 19:30era, Espacio Joven 31192 Gazte Gune berrian. Jarduera 2014a baino lehen jaiotako gazteentzat da, hau da, Lehen Hezkuntzako 6. maila edo Derrigorrezko Bigarren Hezkuntzako (DBH) edozein maila egiten dutenentzat.
Izen-ematea Nafarroako Bertsozaleen Elkartearen webgunean egin daiteke. Matrikularen kostua 40 €-koa da erroldatutako pertsonentzat eta 80 €-koa erroldatuta ez daudenentzat. Gainera, izena ematen dutenek kamiseta bat jasoko dute opari gisa.
Edozein zalantza argitzeko, interesa duten herritarrak Aranguren Ibarreko Euskara Zerbitzuarekin (948 15 01 93 / euskera@aranguren.es) edo Nafarroako Bertsozaleen Elkartearekin (948 14 37 47 / nafarroa.transmisioa@bertsozale.eus) harremanetan jar daitezke.