Aranguren Ibarreko Udaleko Berdintasun Arloa herriko emakumeen eta gizonen berdintasunerako udal politika publikoak diseinatzeaz, planifikatzeaz, kudeatzeaz eta ebaluatzeaz arduratzen da. Halaber, aukera-berdintasunaren arloan, bai barne-mailan (udal-langileak eta politikariak), bai kanpo-mailan (herritarrak, gizarte-eragileak eta kolektiboak) sentsibilizatu eta informatu egiten du.
Gainera, Aranguren Ibarreko biztanlerian aldaketa soziala eragin nahi du, berdintasunezko gizarte baten beharraz sentsibilizatuz, emakumeen erabateko parte-hartzea eragozten duten oztopoak kenduz, dauden jokabide sexistak desagerraraziz eta balio-aldaketa bat sustatuz.
Horretarako, Aranguren Ibarreko Emakumeen eta Gizonen Berdintasunerako I. Ekintza Plana 2021-2026 prestatu da, eta dokumentu hori izango da Alorraren lan-esparrua.
|
Jendaurreko ordutegia: 9:00etatik 14:00etara, Udaletxearen 2. solairuan (Pl. Mutiloa z/g)
Telefona:948 151382
Email-a: igualdad@aranguren.es
|
ESKU-HARTZE EREMUAK
TOKIKO GOBERNANTZA ETA GENERO-ZEHARKAKOTASUNA
Tokiko Gobernantza eta generoaren zeharkakotasuna izeneko esku-hartze eremu honen helburu nagusia, genero ikuspegia politika eta ekintza guztietan txertatzea da. Horretarako, Ibarreko berdintasun politikak garatzeko neurriak jarriz.
17/2019 FORU LEGEAk, apirilaren 4koak, Emakumeen eta Gizonen arteko Berdintasunari buruzkoa-ak honela definitzen du genero-zeharkakotasuna: prozesu politikoen antolaketa, hobekuntza, garapena eta ebaluazioa, halako moduz non genero-berdintasunaren ikuspuntua txertatzen baita politika guztietan, maila guztietan eta etapa guztietan.
EMAKUMEEN AURKAKO INDARKERIA
14/2015 Foru Legeak, apirilaren 10ekoak, Emakumeen kontrako Indarkeriari aurre egitekoa-k honela definitzen du emakumeen kontrako indarkeria: emakumeen kontrako indarkeria da emakumea izateagatik emakumeen kontra bideratzen dena edo haiengan proportziorik gabeko eragina duena, genero diskriminazioaren agerpen gisa eta emakumeentzako kalte edo oinaze fisikoa, psikologikoa, sexuala edo ekonomikoa dakarrena edo ekar dezakeena, mehatxuak, beldurrarazteak eta hertsatzeak edo askatasun-gabetze arbitrarioak barne hartuta, bizitza publikoan nahiz pribatuan gertatzen direnak.
Berdintasun Zerbitzuak esku-hartze arlo hau eskualdeko gainontzeko eragile eta zerbitzuekin batera landuko du, emakumeen kontrako indarkeriarekin harremana duten baliabideen egiazko koordinazioa ahalbidetuz eta horretarako egokienak diren mekanismoak sortuz. Bestetik, herritarren prebentzioa eta sentsibilizazioa ere lantzen da.
ZAINTZA, ERANTZUNKIDETASUNA ETA EGINKIZUNAK BETEARAZTEA
Eskualdean zaintzaren etika eta eginkizunak erantzunkidetasunez betearazteko programak martxan jartzea du helburu hirugarren esku hartze arlo honek.
EMAKUMEEN AHALDUNTZEA, PARTE-HARTZE SOZIOPOLITIKOA ETA BALIOEN ALDAKETA
Emakumeen ahalduntze pertsonala, kolektiboa eta generokoa sustatuko duten baldintzak sortzea beharrezkoa da, Ibarreko bizitza soziopolitikoan emakumeek duten partaidetza gero eta handiagoa izan dadin. Aldi berean, balioen aldaketa sustatuko da, genero rol eta estereotipoak deusezteko diseinatutako ekintzen bidez.
LAN-ILDO ESTRATEGIKOAK
TOKIKO GOBERNANTZA ETA GENEROA ZEHARKAKOTASUNA
- Genero-berdintasunerako udal-egiturak sortzea eta aktibo mantentzea
- Toki entitatean generoaren ikuspegi integratua sartzeko gaitasun teknikoa eta politikoa planifikatzea.
- Udalaren lan prozedurak, emakumeen eta gizonen arteko tratu eta aukera berdintasunaren printzipiotik abiatuta.
- Genero-berdintasuna udalerriaren edota lurraldearen garapen iraunkorraren zati gisa.
EMAKUMEEN AURKAKO INDARKERIA
- Emakumeen aurkako indarkeria toki entitatean
- Emakumeentzako indarkeriarik gabeko bizitza
ZAINTZA, ERANTZUNKIDETASUNA ETA BATERAGARRITASUNA
- Herritarren ongizatea eta bizi kalitatea sustatzea zainketaren etika eta emakume eta gizonen lan, familia eta bizitza pertsonalaren bateragarritasuna garatuz.
- Toki entitatean denborak, espazioak eta zainketak kudeatzeko eredu berriak sustatzea.
EMAKUMEEN AHALDUNTZEA, PARTAIDETZA SOZIOPOLITIKOA ETA BALORE-ALDAKETA
- Emakumeen herritartasun osoa, ahalduntzearen bidez
- Emakumeen eta gizonen arteko berdintasunaren gizarte-balioa, gizarte-balio patriarkalen aldaketaren bidez.
ESPARRU JURIDIKOA
ESTATUAREN ESPARRUAN
3/2007 Lege Organikoa, martxoaren 22koa, emakumeen eta gizonen berdintasun eraginkorrari buruzkoa
6/2019 Errege Dekretu-Legea, martxoaren 1ekoa, lanean eta lanean emakumeen eta gizonen arteko tratu eta aukera berdintasuna bermatzeko premiazko neurriei buruzkoa.
1/2004 Lege Organikoa, abenduaren 28koa, Genero Indarkeriaren aurkako Babes Osoko Neurriei buruzkoa eta hura garatzen duen araudia.
Abuztuaren 3ko 9/2018 Errege Lege Dekretua, genero-indarkeriaren aurkako Estatu Ituna garatzeko premiazko neurriei buruzkoa.
NAFARROAKO FORU KOMUNITATEAREN ESPARRUAN
17/2019 Foru Legea, apirilaren 4koa, Emakumeen eta Gizonen arteko Berdintasunari buruzkoa.
14/2015 Foru Legea, apirilaren 10ekoa, emakumeenganako indarkeriaren aurka jardutekoa.
2023ko martxoak 1 | Berdintasuna 
2023ko otsailak 23 | Aranguren Zoriuntsu 
2023ko urtarrilak 17 | Berdintasuna 
