GONGORAKO JAUREGI ZAHARRA (GONGORA)

Civiles

Gongorako Jauregi ZaharraHerriko irteeran, markesen jauregi zaharra dago, baina gaur egun utzietsia eta erabat hondatua dago. 1494an, kuartelak igortzea lortu zuen jauregi horrek, eta, une hartatik aurrera, Oinetxetzat hartu zen. 1695ean, Juan Cruzat eta Gongorari –jauregiaren jabeari–  markes titulua eman zion Karlos II.ak; titulu hori, gero, Ezpeletarren eskura igaro zen. Eraikin oso handia da, eta bi patioren inguruan antolatua dago. Aurrealdea harlanduxkaz egindako horma batek osatzen du; hor, sartze-hutsartea irekitzen da. Arku zorrotzekoa da hutsarte hori; harlanduzko dobela handiak ditu, eta, giltzarrian, Gongora abizenaren armarria ageri da. Azur kolorekoa da armarria; zilarrezko hiru zerrenda ditu, eta bederatzi otso sabledun: hiru, hiru eta hiru; elizaren presbiterioan agertzen diren otso berak. Atea pasatuta, Gongorako jauregialehenbiziko patioa irekitzen da; aldeetan, altuera ez oso handiko eraikinak daude, harlanduxkazkoak eta adreiluz moldatuak beren hiru aldeetan. Atearen parean, beste hutsarte bat irekitzen da; garai batean zirkulu erdiko arkua zen, baina, egun, ate buruduna da, zurezko habe batekin egindakoa. Handik, bigarren patiora sartzen gara. Patio hartako hiru aldetan, gelak agertzen dira; horietako Gongorako jauregiabi aldek, gainera, zutabedun galeriak dituzte aurrealdean. Beheko pisuko zutabeak harrizkoak dira eta toskanar ordenakoak; goiko pisukoak, berriz, adreiluzkoak dira; igeltsuz estalita daude, eta zurezko harroinak dituzte.  Adreiluzko karelek ixten dute zutabeen behealdeko erdialdea. Bigarren patio horretako angelu baten gainean, harlanduxkazko dorre handia altxatzen da. Irtenune lisoek oinarritutako bi erlaitz ditu dorreak, eta, eraikinari begiratzen dion aldean, hutsarte laukizuzen bat ageri da; beste hiru aldeak, berriz, beteak dira. 

(“Catálogo Monumental de Navarra. IV. Merindad de Sangüesa” liburutik ateratako informazioa da, 61. or.)

Volver arriba