Arangurenek lau eguneko jaiak ospatuko ditu musika eta familia osoarentzako jarduerez beteta
Abuztuaren 6tik 9ra, herriak publiko guztientzako aisialdi, kultura eta gastronomia eskaintza zabala eskainiko du.
2026ko abuztuaren 6tik 9ra bitartean, Arangurenek bere urteroko jaiak ospatuko ditu, lau egunetan zehar musika, kultura eta gastronomiak herriko kaleak girotuko dituztelarik.
Uztailaren 6an, ostegunean, 19:30ean, jaien hasiera iragartzeko txupinazo tradizionala botako da, eta jarraian, Iñaki Bizkai akordeoilariarekin batera etxez etxeko kalejira egingo da. Egun horretatik igandera arte, abuztuak 9, Ibarreko herriak publiko guztientzako pentsatutako hainbat jarduera hartuko ditu.
Musika ere izango da jaien protagonista nagusietako bat, DJ Kapitán General eta DJ Bako saioekin, Destino Sonora orkestrarekin eta Txaranga Berriak alaitutako kalejirekin. Haurrek ere haien lekua izango dute: ohiko gurpildun zezenaz gain, txokolate jana eta apar-festa egongo dira.
Bere aldetik, gastronomia eskaintzak auzotarrak bilduko ditu: herri-bazkari eta afariak, eta koadrilen arteko kalderete afaria izango dira aurtengo jaiei amaiera emango dietenak. Herri-bazkari eta afari horietarako txartelak abuztuaren 1ean eta 2an jaso beharko dira, 13:00etatik 15::00etara, Arangurengo Torrero elkartean. Kalderete afarian parte hartzeko, koadrilak izena eman beharko dute abuztuaren 2a baino lehen, 676 30 69 94 telefonora deituta eta koadrila bakoitzeko kopurua eta bi arduradunen izenak emanda.
Aranguren Ibarreko Udaleko Kultura eta Jai Zerbitzutik herritar guztiak jai hauetaz arduraz eta errespetuz gozatzera gonbidatzen ditugu.
OHARRA: Ekitaldi publikoei eta iraunkortasunari buruzko foru dekretua dela eta, bazkari autogestionatuetara berriz erabiltzeko ontziteriarekin joatea beharrezkoa da.