Berdintasun Zerbitzuak bere 16. buletina argitaratu du jai-guneetan gerta daitezkeen eraso sexisten prebentzioa, detekzioa eta arreta sustatzeko
Buletinak ‘Gauza bera nahi izatearen plazeraz gozatu’ sentsibilizazio-kanpaina jasotzen du, baita ‘Puntu Morea’-ri eta 2026ko Mutiloako jaietarako jarduera-protokoloari buruzko informazio guztia ere.
Aranguren Ibarreko Udaleko Berdintasun Zerbitzuak bere 16. buletina argitaratu du 2026ko Mutiloako jaiak direla eta. Jaiak ekainaren 17tik 21era bitartean ospatuko dira.
Zenbaki berri honek ‘Puntu Morea’-ri buruzko informazio guztia biltzen du. Gune hori Gazte Gunean kokatuko da, jaietan indarkeria matxistako egoerak eta/edo eraso sexistak prebenitu, detektatu eta artatzeko. Aurten, gainera, zerbitzuak arreta-ordutegia zabaldu du, Gazte Gunearen jarduera-ordutegi osoan zerbitzua eskainiz:
- Ekainaren 17an, asteazkenean, eta 18an, ostegunean: 22:00etatik 05:00etara.
- Ekainaren 19an, ostiralean, eta 20an, larunbatean: 22:00etatik 06:00etara.
Era berean, Berdintasun Zerbitzuak, urtero bezala, herritarren eskura jarriko du eraso sexisten aurrean jarduteko protokoloa.
Horrez gain, aurten berritasun gisa, Aranguren Ibarreko Udaleko Berdintasun Zerbitzuak ‘Gauza bera nahi izatearen plazeraz gozatu’ kanpaina abiaraziko du Mutiloako jaietan. Jai-guneetan gertatzen diren eraso sexisten aurkako sentsibilizazio- eta prebentzio-ekimen berria izango da. Horretarako, Gazte Gunean erabiliko diren edalontzi berrerabilgarrien sorta berria baliatuko da, Gaztearan Ibarreko Gazte Elkartearen laguntzarekin.
Berdintasun Zerbitzutik Ibarreko herritar guztiak animatzen ditugu indarkeriarik gabeko eta pertsona guztientzat seguruak izango diren jaiez gozatzera.
Kontsulta ezazu buletin osoa hemen klik eginez!