Ayuntamiento del Valle de Aranguren

Aranguren Ibarreko Udalak, 2017ko otsailaren 28an egindako osoko bilkuran, hasiera batean onetsi zuen aldaketa 11. ordenantzan, Udalaren Musika Eskolako tasak arautzen dituen horretan.

Jendaurrean jartzeko iragarkia 2017ko 60. Nafarroako Aldizkari Ofizialean argitaratu zen, martxoaren 27an, eta jendaurrean egon bitartean inork ez du alegaziorik aurkeztu.

Mutiloan, 2017ko apirilaren 28an.–Alkatea, Manuel Romero Pardo.

Aranguren Ibarreko Lino Otano Musika Eskolak 3 urtetik aurrera eta adin mugarik gabe ematen ditu musika-irakaskuntzak, honela egituratuta:

• I MAILA: “MUSIKA HASTAPENAK” Adin goiztiarren prestakuntza-maila. Atal honetan, haurrak modu ludiko eta fantasiazkoan sartzen dira musikaren munduan, ondoren ikasleen instrumentu eta musika ikaskuntza bultzatuko duten musika-arloak modu intuitiboan landuz.
• II MAILA: Praktika instrumentalaren hasiera eta garapena, musikaren prestakuntza osagarri eta globalarekin, taldeko irakasgai teoriko eta instrumentalen bidez. Ikasgelan teknologia berriak erabiltzea eta instrumentu- eta ahots-taldeen kanpo-proiekzioa ikasgelatik kanpo.
• III MAILA: Prestakuntza klasikoa eta modernoa duen talde-mailako praktika instrumentala sustatzen da, eta ikasleek II. Mailan lortutakoaren inguruan benetako autonomia eta sakontze musikala lortzea du helburu. Maila honetako prestakuntzak garatzea, kontzertuetan eta programazio jardueretan eszenaratzeko helburu argiarekin.
• HELDUAK: Irakaskuntza instrumentala 18 urtetik aurrera eta adin mugarik gabe, instrumentu taldeetan parte hartzeko aukerarekin hirugarren urtetik aurrera.
• MUSIKA BANDA: Ibarreko Bandak Udal Banda propio batean parte hartzeko eta musikaz gozatzeko aukera eskaintzen die bertan dauden musika-espezialitateak egiten dituzten Musika Eskolako ikasleei, Aranguren Ibarreko kultur eta jai ekitaldietan parte hartzeko helburuarekin.