Aranguren Haraneko Hiri Baratzea
Gazteriaren arloak, herriko aisialdi talde eta gazteekin batera, gazteen etxearen alboko plaza hiri-baratzeko gune bihurtu nahi du.
Proiektuak auzo-baratze eredu bat jarraitu nahi du, hirigintza-egituran integratua. Izaera ekologikoa izango du, eta, beraz, egindako jarduera guztiek ingurumena errespetatuko dute. Gainera, lortutako produktuek pestizidarik, herbizidarik edo bestelako produktu kimikorik gabeko prozesua jarraituko dute, eta, horren ordez, konpostaje-sistema erraz bat erabiliko da ongarri gisa.
Horrela, lurra lantzen, aireztatzen, eskaratzen, ureztatzen, biltzen, elikagaien jatorriaz jabetzen eta, garrantzi gutxiagokoa ez bada ere, zereginak eta konpromisoak partekatzen ikasiko dugu.
Baratzea gune komuna eta auzokoa izango da, belaunaldien arteko harremanak sustatzeko; ikasteko, hitz egiteko eta eztabaidatzeko herritar guztientzat zabalik egongo da.
Baratzeko jarduerak:
- Apirilak 24, larunbata: lurrarekin eta hainbat materialekin taulak prestatzea, aurrerago landatu ahal izateko
- Maiatzak 15, larunbata: tomateak, letxugak eta abar landatzea