Aranguren Ibarreko Udalak bizikleta-ibilbide berria sortzeko lanak hasi ditu Mutiloan
Lanek hiru hilabeteko iraupena izango dute, eta bizikletazaleentzako ibilbide seguru eta erakargarria eskaintzea dute helburu, herrian mugikortasun jasangarria sustatuz.
Aranguren Ibarreko Udalak Mutiloan ibilbide zirkulagarri berria sortzeko lanak hasi ditu. Azpiegitura honek Mutiloa Behereko Industrialdeko E kaleko dagoen adarra herriko puntu garrantzitsu batzuekin lotuko du, hala nola San Pedro Ikastetxea, Ttipi Ttapa Haur Eskola, Sadar ibaiaren ondotik igarotzen den parkea eta Ibaialde plaza. Azkenik, trazatuak beste tarte batekin egingo du bat, ArangurenIbarreko errepidearen paraleloan doazen bizikleta-bideekin konektatuz.
Ibilbide berriak industrialdeko bi muturrak lotzea ahalbidetuko du, bizikletazale eta oinezkoentzat ibilbide seguru eta erakargarria eskainiz, ibilgailu motordunen trafikotik bereizitako trazatu baten bidez. Horrez gain, ekipamendu publiko eta aisialdi-eremuetarako sarbidea erraztuko du, zonaldean mugikortasun jasangarria sustatuz.
Lanak Lacunza Hermanos SL enpresari esleitu zaizkio, 125.905,41 euroko zenbatekoan, eta hiru hilabeteko epean burutzea aurreikusten da. Proiektuaren garapenerako, Udalak Nafarroako Gobernuko Lurralde Kohesiorako Departamentuak emandako 113.554,13 euroko dirulaguntza lortu du.
Obrak gauzatzen diren bitartean, hainbat espaloik eta bidek eragina izango dute, eta, horregatik, Aranguren Ibarreko Udalak seinaleei eta balizko desbideratzeei arreta berezia jartzea eskatzen die herritarrei.