Arangurengo Kultur Etxeak online bitarteko sarrera salmentari ekingo dio
2021eko apirilaren 6tik aurrera, ibarreko kultur gunean jardungo duten ekitaldietarako sarrerak internet bidez erosi ahal izango dira. Halaber, jardueraren aurreko astelehenetik asteazkenera arte, araneko bizilagunek izango dute sarrerak eskuratzeko lehentasuna, bai online, bai txarteldegian. Gainerako ikusleentzat, ostegunetik aurrera egongo dira eskuragarri, bai webgunean zein kultur gunean.
Erregistroari dagokionez, ikusle bakoitzak bere datuak eman beharko ditu aldez aurretik kultur etxean. Dena den, azkenaldian ekitaldiren batera joan eta datuak utzi dituztenek ez dute berriro egin beharko.
Gainera, webguneko agendan ikuskizun bakoitzari dagozkion estekak agertuko dira, sarrerak online saltzeko sarbidea errazteko.
Leihatila astelehenetik ostiralera egongo da zabalik, 9:00etatik 13:00etara eta 17:00etatik 21:00etara. Ekitaldiaren egunean bertan, jarduera hasi baino ordu erdo bat lehenago zabalduko ditu ateak txarteldegia.