Argitaratuta 2025eko Aisialdi eta Denbora Libreko Monitore Ikastaroa egiteko dirulaguntzen deialdia
Udalak gehienez 100 euroko dirulaguntzak emango dizkie Urtxintxa Aisialdi Eskolak emandako ikastaroan izena eman duten pertsonei, matrikularen zati bat estaltzeko.
Aranguren Ibarreko Udalak argitara eman ditu Urtxintxa Aisialdi Eskolarekin batera egiten ari diren Aisialdi eta Denbora Libreko Monitore Ikastaroa egiten ari diren ibarrean erroldatutako gazteei zuzenduriko dirulaguntza-deialdiaren oinarriak. Ikastaroa Udalaren Gazteria Zerbitzutik antolatu da eta 2025eko urtarrilean hasi zen.
Onuradun bakoitzak gehienez 100 euroko dirulaguntza jaso ahal izango du, ikastaroaren matrikularen zati bat ordaintzeko. Guztira, Udalak 2.000 euroko aurrekontua bideratuko du, ‘Gazteriaren Jarduerak’ izeneko partidaren kargura. Eskaerak aurrekontu hori gaindituz gero, laguntzak baldintzak betetzen dituzten pertsonen artean proportzionalki banatuko dira.
Eskaerak ikastaroa amaitutakoan edo, gehienez, 2025eko abenduaren 31 baino lehen aurkeztu ahal izango dira, bai udalaren egoitza elektronikoaren bidez, bai Udalaren Erregistro Orokorrean, edo 39/2015 Legearen 16.4 artikuluan aipatutako erregistroetako edozeinetan.
Ikastaroan izena ematerakoan Aranguren Ibarrean erroldatuta zeuden eta Urtxintxa Aisialdi Eskolak ezarritako araudiaren arabera ikastaroa osatzen duten pertsonek dirulaguntzak eskatzeko aukera izango dute.
Ebazpena jakinarazpen elektroniko baten bidez egingo da, eta Tokiko Gobernu Batzarrak hartuko du erabakia.
Egin klik hemen dirulaguntza-deialdia kontsultatzeko.
Kontsultatu oinarri osoak Nafarroako Aldizkari Ofizialean, 73. zk., 2025eko apirilaren 11koa.