Aranguren Ibarreko Udala

a. Espainian bizi diren EBko herritarrek, espainiarrek hautesle izateko eskatzen dituzten baldintzak betetzen badituzte, udal-hauteskundeetan botoa emateko eskubidea balia dezakete, baldin eta hauteskunde hauetan botoa emateko borondatea adierazten badute.

Udal hauteskundeetarako Espainian botoa emateko borondatea adierazi ahal izango dute:

• Internet bidez (https://sede.ine.gob.es/manifestacionVotoPermanente/presentacion cl@ve sistema erabiliz).
• Posta bidez.
• AURREZ-AURRE, Aranguren Ibarreko Udalaren bulegoetan (Mutiloako Mutiloa plaza z/g), Aranguren Ibarrean erroldatutako pertsonentzat, eskabide-orria beteta.
• Bete ondoren, Udalak Hautesle Erroldaren Bulegora bidaliko du.

b. Espainian bizi diren eta udal-hauteskundeetan bozkatzeko eskubidea aitortzen duten elkarrekikotasun-akordioak dituzten herrialdeetako nazionalek, haietan hautesle izateko ezarritako baldintzak betetzen badituzte, 2023ko maiatzaren 28ko udal-hauteskundeetarako hautesle-erroldan izena ematea eskatu ahal izango dute.

Honako hauek dira indarrean dauden akordioak dituzten herrialdeak: Bolivia, Cabo Verde, Txile, Kolonbia, Korea, Ekuador, Islandia, Norvegia, Zeelanda Berria, Paraguai, Peru, Erresuma Batua eta Trinidad eta Tobago.

Halaber, inskripzioa eskatu ahal izango dute akordioak sinatu dituzten beste herrialde batzuetako herritarrek, baldin eta ezarritako eskaera-epearen barruan indarrean badaude.

Baldintzak:

• Hemezortzi urtetik gorakoa izatea eta botoa emateko eskubidea ukatuta ez izatea.
• Biztanleen udal-erroldan inskribatuta egotea.
• Espainian bizitzeko baimena izatea.
• Dagokion akordioan eskatzen den denbora legez Espainian bizi izana (hiru urte Norvegiako nazionalentzako bozketa-egunean, hiru urte Erresuma Batuko nazionalentzako eskaera egiten den unean eta bost urte gainerako herrialdeentzako eskaera egiten den unean). Baldintza hori justifikatzeko, polizia-etxeak emandako egoitza-ziurtagiria aurkeztu ahal izango da.

Izena emateko eskabideak honako moduen bitartez egin ahal izango da:

• Internet bitartez (https://sede.ine.gob.es, cl@ve sistemaren bidez nortasuna egiaztatzea eta izena emateko eskabidearen aukera markatzea).
• Posta bitartez (interesdunek zuzenean bidali beharko dute erantzuna Kontrol Ekonomikoko Bulegoaren Probintzia Ordezkaritzara, frankeorik ordaindu beharrik gabe).
• AURREZ-AURRE, Aranguren Ibarreko Udalaren bulegoetan (Mutiloako Mutiloa plaza z/g), Aranguren Ibarrean erroldatutako pertsonentzat, eskabide-orria beteta.
• Bete ondoren, Udalak Hautesle Erroldaren Bulegora bidaliko du.