‘Tokiko Garraioa’ zerbitzuak bere eskaintza zabaldu du Osasun Zentrotik irteera berri batekin
Aldaketa datorren astelehenean, ekainak 15ean, jarriko da indarrean, eta zerbitzuaren erabiltzaileek egindako eskaerei erantzuten die.
Aranguren Ibarreko Udalak, 2026ko ekainaren 15etik aurrera, astelehena, ‘Tokiko Garraioa’ zerbitzuaren ordutegia zabalduko du, 21:30ean Osasun Zertrotik irteera berri bar gehituz.
Hobekuntza hau erabiltzaileek helarazitako hainbat eskaeraari erantzuteko egin da, eta helburua Ibarreko herrien arteko mugikortasuna erraztea da.
Zerbitzuaren zabalkuntza ahalbidetzeko, orain arte Arangurendik 21:30ean ateratzen zer zerbitzuak bere ordutegia ordu erdi aurreratuko du, hemendik aurrera 21:00etan eginez.
Hala, eguneko ordutegia honela geratuko da:
- Arangurendik: 7:30ean, 9:00etan, 11:30ean, 16:00etan, 18:00etan, 21:00etan eta 23:00etan.
- Osasun Zentrotik: 8:30ean, 11:00etan, 13:30ean, 16:30ean, 18:30ean, 20:30ean, 21:30ean eta 22:30ean.
Zerbitzuaren funtzionamendua
‘Tokiko Garraioa’ zerbitzua Aranguren Ibarrean erroldatuta dauden 14 urtetik gorako pertsonentzat zuzenduta dago, eta ohiko lotura eskaintzen du Mutiloako Osasun Zentroaren eta Taxoare, Zolina, Labiano, Ilundain, Lakidain eta Aranguren herrien artean.
Erabiltzaileak San Fermín Teletaxi Elkartearekin harremanetan jarri beharko dira gutxienez ordu erdi lehenago, ohiko telefonoen bidez (948 23 23 00 eta 948 35 13 35), beren izena eta helmuga adieraziz, eta Aranguren Ibarreko Udalak eskaintzen duen zerbitzuaren onuradunak direla jakinaraziz.
Txartelek euro 1eko prezioa izaten jarraitzen dute, eta aldez aurretik eros daitezke Udalean (astelehenetik ostiralera, 9:00etatik 14:00etara), kontzejuetako egoitzetan edo kontzeju bakoitzak zehazten duen lokalean. Txartelean eguna, ordua eta egindako ibilbidea adieraziko dira.
Informazio garrantzitsua
- Ordu erdi baino gutxiagoko aurrerapenarekin jasotzen diren eskaerak soilik artatuko dira kontratuan jasotako zerbitzu gisa, baldin eta aurretik beste deiren bat badago eta ibilbidea jada egingo bada.
- Erreserba egin duen pertsona adierazitako orduan geralekuan agertzen ez bada eta horrek taxiak bidaiaririk ez jasotzea badakar, desplazamendua fakturatuko da, gertakariaren berri emanez eta eskatzailearen izena eta telefonoa jasoz.
Kontsulta ezazu ‘Tokiko garraioa’ zerbitzuaren infografia hemen klik eginez.