Zabalik 2025eko Mutiloako jaien egitarauko azal lehiaketarako proposamenak aurkezteko epea
Proposamenak 2025eko apirilaren 22tik maiatzaren 7ra, 13.00etan, Aranguren Ibarreko Kultur Etxean aurkeztu ahal izango dira.
Aranguren Ibarreko Udalak, urtero bezala, 2025eko Mutiloako jaien egitarauko azal lehiaketarako proposamenak aurkezteko epea ireki du.
Lehiaketa hau Aranguren Ibarrean erroldatutako pertsonei zuzenduta dago. Haur kategorian (14 urtera arteko pertsonak) eta heldu kategorian (15 urtetik aurrerakoak) parte hartu ahal izango dute. Hala, lehiaketa honek 2025eko ekainaren 18tik 22ra egingo diren Mutiloako ospakizunen irudiari ikusgarritasuna eta sormena eman nahi dio.
Proposamenak aurkezteko epea 2025eko apirilaren 22tik maiatzaren 7ra bitartean, 13.00etara arte, egongo da irekita eta lanak Aranguren Ibarreko Kultur Etxean aurkeztu ahal izango dira, zentroa irekita dagoen ordutegian.
Sariei dagokienez, lehiaketak 120€ eskainiko ditu txartel batean, haur kategorian material didaktikoa erosteko. Helduen kategorian parte hartzen dutenentzat, berriz, saria 600€–koa izango da, eta kopuru horri dagokion PFEZ atxikipena aplikatuko zaio.
Aranguren Ibarreko Udaleko Kultura eta Festen Zerbitzuak lehiaketa honetan parte hartzera animatzen ditu erroldatutako herritarrak.
Kontsultatu lehiaketaren oinarriak hemen klik eginez.