2021eko irailak 8
Eskola laguntza Aranetxean
ARANETXEAk (Aranguren Ibarreko Gazte Lekuak) 2021/2022 ikasturterako euskarazko eskola laguntza eskaintzen du, San Pedro eta Irulegi eskola publikoen laguntzarekin. Aranguren Ibarrean erroldaturik eta Lehen Hezkuntzako 4., 5. eta 6. maila eta DBHko 1. eta 2. maila egiten ari diren ikasleentzako.
Jarduera Aranetxean garatuko da Mutiloako K/ Nagusiko 2.ean, astelehen, astearte eta ostegunetan, 17:00etatik 19:00etara, eta urriko lehen astean hasiko da.
Programa bi zatitan egituratuta dago:
- Lehenengoan, ordu beteko iraupena izango duena, parte hartzaileek hezitzaileekin batera etxeko lanak egingo dituzte. Horiek egiteko materialak eta testu liburuak parte hartzaileek ekarri beharko dituzte.
- Bigarrenean, ordu bateko iraupena duena, parte hartzaileek tailer eta jolasak egingo dituzte sormena, trebetasun sozialak, parte hartzea, kooperatibismoa eta holako baloreak lantzeko.
Jarduera horren helburuak hauek dira:
- Haurraren garapen afektibo, sozial, intektual eta fisikoa sustatzea, ibarrean modu kritiko eta sortzailean integratzeko beharrezkoak diren trebetasunak finkatuaz.
- Ikaslearen ikasketa ohiturak sustatu. Horretarako etxeko lanak egitea jarduera atsegina izatea nahi dugu eta aisialdiko eta dibertimendurako beste jarduerekin lotutakoa.
Izena emateko: ARANETXEA, K/ Nagusia 2 Bis (Mutiloa).
Telefonoa: 948 23 75 58
Posta elektronikoa: juventud@aranguren.es