‘Feminismoari esker… Gaur aurkera dugu izan, egon, esan eta erabakitzeko’, aurtengo ‘Emakumeen Nazioarteko Eguneko’ leloa
M8ko kontzentrazioa eta Adierazpen Instituzionalaren irakurketa 2026ko martxoaren 6an, ostirala, 12:00etan, izango da Mutiloako Mutiloa Plazan.
‘Emakumeen Nazioarteko Eguna’ dela eta, Aranguren Ibarreko Udaleko Berdintasun zinegotzigoak elkarretaratzea deitu du 2026ko martxoaren 6rako, ostirala, 12:00etan, Mutiloako Mutiloa Plazan. Ekitaldian M8aren harira Adierazpen Instituzionala irakurriko da eta ‘Xarma Txalapartaren’ musika-laguntza egongo da.
Aranguren Ibarreko Udalak bat egin du aurten ere ‘Emakumeen Nazioarteko Egunaren’ kanpainarekin, ‘Feminismoari esker… Gaur aukera dugu izan, egon, esan eta erabakitzeko’ lelopean. Nafarroako Udal eta Kontzejuen Federazioak onartu duen adierazpen instituzionala Nafarroako hogeita hamar toki eta lurralde entitateetako Berdintasun Zerbitzuek bultzatu dute.
Hala, bere helburua gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu direla nabarmentzea da.
Hala, aurtengo kanpainak feminismoa gaur egun segurutzat jotzen ditugun oinarrizko eskubideen bultzatzaile eta justizia sozialerako aldaketaren motorra gisa nabarmentzen du.
Gainera, aurreko urteetan bezala, Adierazpen Instituzionala irakurketa errazeko bertsioan ere aurkitu ahal izango da, desgaitasun kognitiboa edo ulertzeko zailtasunak dituzten pertsonek informazioa eskuratzeko aukera berdinak izan ditzaten.
Aranguren Ibarreko Udaleko Berdintasun Zerbitzuak herritarrak martxoaren 6ko kontzentrazioan eta martxoaren 8an, larunbata, 12:00etatik aurrera Antoniuttitik Iruñeko Gaztelu plazara egingo den ‘Emakumeen Nazioarteko Egunaren’ manifestazioan parte hartzeko deia egiten die. Nafarroako hiriburuko mugimendu feministak deitu du manifestazio hori.
Kontsulta ezazu Adierazpen Instituzionala PDF formatuan (elebiduna).
Kontsulta ezazu Irakurketa Errezarako Adierazpen Instituzionala PDF formatuan.