‘Gauza bera nahi izatearen plazeraz gozatu’, Aranguren Ibarreko jaietan ezarriko den sentsibilizazio-kanpaina
Ekimenak Mutiloako jaietan eraso sexisten aurrean jarduteko Udal Protokoloari buruzko informazioa eskainiko die herritarrei, Gazte Gunean emango diren edalontzi berrerabilgarrien bidez.
Aranguren Ibarreko Udaleko Berdintasun Zerbitzuak bat egin du aurten ere Nafarroako Gobernuaren sentsibilizazio-kanpainarekin, indarkeria sexistak prebenitzeko eta gune eta harreman guztietan tratu onak sustatzeko.
Hala, ‘Gauza bera nahi izatearen plazeraz gozatu’ lelopean, Aranguren Ibarreko Udalak abian jarriko du Mutiloako jaietan jai-guneetan eraso sexisten aurrean sentsibilizatzeko eta prebenitzeko ekimen berri hau. Horretarako, Gazte Gunean jaietan erabiliko diren edalontzi berrerabilgarrien sorta berria egingo du.
‘Gauza bera nahi izatearen plazeraz gozatu’
Kanpainak Nafarroako Gobernuko lau sailen elkarlanetik sortu da -Nafarroako Berdintasunerako Institutuak (NABI), Nafarroako Osasun Publikoaren eta Lan Osasunaren Institutuak (NOPLOI), Nafarroako Gazteriaren Institutuak (NGI) eta Hezkuntza Departamentuak- eta Nafarroako hainbat udalerrien jaietan ezarriko da.
Aurtengo kanpaina elkarren arteko adostasunean eta jaietan desioaren eta harremanen ideia birplanteatzean arreta jartzen du, benetako plazera ez dela tematzea, konkistatzea edo “mugak gainditzea”, baizik eta bi pertsonek gauza bera nahi izatea, aldi berean eta modu librean azpimarratuz.
Gazte Guneko edalontzi berrerabilgarriak
Berritasun gisa, aurten Gazte Gunean erabiliko diren edalontziek kanpainaren zigilua eta mezuak izango dituzte, baita QR kode bat, Eraso sexisten aurrean jarduteko Protokolora zuzenean sartu ahal izateko.
Ekimen honekin, kanpainak ez die jaietan parte hartzen duten gazteei soilik informazio erabilgarria helaraziko, baizik eta gizarte osoa interpelatuko du, bereziki emakumeei, eraso sexista bat jasoz gero eskura dauden baliabideei eta jarraitu beharreko urratsei buruzko informazio argia eta eskuragarria emango baitie.
Gaztearanekin lankidetza
Udalaren proposamen hau Gaztearan Aranguren Ibarreko Gazte Elkartearekin lankidetzatik sortu da, eta Gazteria eta Ingurumen udal zerbitzuekin batera garatu da.
Hala, ekintza honekin, Udalak jaietan asko erabiltzen den eguneroko elementu bat probestu nahi du, sentsibilizazio-mezuak zabaldu eta gizarteari informazio baliagarria emateko.
Horrela, ekimenak Aranguren Ibarreko gazteek jai-eremu seguruagoak, berdinagoak eta indarkeria sexistariak gabekoak eraikitzeko duten sentsibilizazioa eta konpromisoa islatzen du.
Ingurumenaren eta berdintasunaren aldeko apustua
Edalontzi berrerabilgarriak bultzatzeak Udalak ingurumenaren eta berdintasunaren aldeko apustu irmoa da. Ekintza honek hondakinak murrizten eta ingurunea zaintzen laguntzen du, baita errespetuaren, erantzukidetasunaren eta berdintasunezko bizikidetzaren balioak sustatzen ditu ere.
Edalontzi berrerabilgarriak txosnetan egongo dira eskuragarri, euro bateko prezioan, gordailu gisa. Kopuru hori osorik itzuliko da edalontzia txosnan berriro entregatzean. Hala, udalak herritarren parte-hartze aktiboa sustatzen du ospakizun horietan sortutako hondakinen kudeaketa iraunkorrago batean.
Era berean, jaiak amaitu ondoren, edalontzi guztiak bildu egingo dira, garbitu eta berrerabili edo birziklatzeko, dagokionaren arabera. Ekimen honek arrakasta izango duela bermatzeko, funtsezkoa da garbitzeko zerbitzuarekin lankidetzan eta koordinatuta aritzea. Zerbitzu horrek ahalik eta edalontzi gehien berreskuratzea ahalbidetuko du, gainerako hondakinekin nahastu aurretik.
Jarduera honekin, Udalak ingurumenaren jasangarritasunarekiko konpromisoa erakusten du, eguneroko ekintza txikiek eragin positiboa izan baitezakete bai ingurumenean bai gizarte arduratsuago, errespetuzkoago eta berdintasunezkoago baten eraikuntzan.
‘Puntu Morea’-ren ordutegiak
Ildo horretan, jaietan zehar ere, Gazte Gunea eta ‘Puntu Morea’ etengabe koordinatuko dira, gerta daitezkeen eraso sexistei erantzuteko. Gainera, aurreikusitako neurrien artean, erasoren bat gertatuz gero, Gazte Guneko musika geldiaraziko da, horrelako jokabideen aurrean salaketa eta gaitzespen kolektiboaren erakusgarri.
‘Puntu Morea’ Berdintasun Zerbitzuak bultzatutako gunea da, Gazte Gunean egongo dena, jaietan indarkeria matxista edota eraso sexistak prebenitzeko, antzemateko eta erantzuteko. Hala, aurten zerbitzuak bere arreta-ordutegia zabaldu egingo du, Gazte Gunearen funtzionamendu-ordutegi osoan zerbitzua eskainiz:
- Ekainak 17, asteazkena, eta 18, osteguna: 22:00etatik 05:00etara.
- Ekainak 19, ostirala, eta 20, larunbata: 22:00etatik 06:00etara.
