‘Klima Aldaketaren Aldeko Munduko Bizikleta Martxa’ bihar, irailaren 9an, Mutiloara iritsiko da
Munduan zehar COP30-erantz doan espedizioa Ibarreko herrian harrera instituzional batekin eta herritarrei bizikletan parte hartzeko gonbitearekin jasoko da.
Bihar, asteartea, irailaren 9an, Mutiloak ‘Klima Aldaketaren Aldeko Munduko Bizikleta Martxa’ hartuko du. Espedizio ziklista honek bizikletaren erabilera sustatzen du, karbono isuriak murrizteko tresna giltzarri gisa.
‘COP30’ izenarekin ezagutzen den ekimena hau maiatzean abiatu zen Azerbaijandik, eta hainbat herrialdetatik igarotzen ari da Belémera (Brasil), Nazio Batuen Erakundearen Klima Aldaketari buruzko Hitzarmen Esparruaren hurrengo urteko Goi-bilera egingo den tokira, iritsi arte. Han, hamar politika-ziklista proposamen aurkeztuko dira estatu kideen klima-planetan sartzeko.
Mutiloan, espedizioa bihar Irulegi Ikastetxe Publikotik irtengo da 19:30ean.
Aranguren Ibarreko Udalaren Ingurumen Zerbitzuak herritarrak bizikletan parte hartzera, martxa ibilbidearen azken helmuga izango den Mutiloa Plazaraino laguntzeko gonbidatzen ditu. Bertan, harrera instituzionala egingo zaio eta ordezkari politikoek manifestu bat irakurriko dute.