Mikel Ibarrola Guergué eta Susana Torres Romano, Mutiloako 2026ko jaietako egitarauaren azalen lehiaketako irabazleak
Sari-banaketa 2026ko ekainaren 17an, asteazkenean, egingo da Udaletxeko Osoko Bilkuren Aretoan, ekainaren 17tik 21era bitartean ospatuko diren jaien baitan.
Mutiloako jaietako egitarauaren azalen ohiko lehiaketak baditu jada irabazleak. Aranguren Ibarreko Udaleko Kultura eta Jai Zerbitzuak antolatzen duen lehiaketa hau Mutiloako jaien harira egiten da, eta aurten ekainaren 17tik, asteazkenetik, 21era, igandera, ospatuko dira, adin guztietarako jardueraz beteriko egitarauarekin.
Hala, aurtengo edizioan, haur kategoriako lehen saria Mikel Ibarrola Guerguék eskuratu du, bere ‘Desde el corazón de las fiestas’ lanarekin. Bestalde, helduen kategorian, Susana Torres Romanok irabazi du bere ‘Armando la fiesta’ lanarekin; diseinu berritzaile baten bidez, Ibarreko erraldoiei omenaldia egiten dien obra.
Horrela, sari-banaketa 2026ko ekainaren 17an egingo da, 19:45 aldera, Udaletxeko Osoko Bilkuren aretoan, udalerriko jaien barruan kokatutako ekitaldi batean.
Aranguren Ibarreko Udaleko Kultura eta Jai Zerbitzuak zorionak eman dizkie irabazleei, eta eskerrak eman nahi dizkie lehiaketak izan duen harreragatik eta Ibarreko artista txiki zein handien lanen kalitateagatik. Halaber, herritar guztiak etorkizuneko edizioetan parte hartzera animatzen ditu, lehiaketa hau dagoeneko Mutiloako kultur egutegian hitzordu garrantzitsua bihurtu baita.
Egilea: Susana Torres Romano
Egilea: Mikel Ibarrola Guergué