‘Mutiloan… Gozatu, partekatu eta errespetatu’, Aranguren Ibarreko Udalaren aurtengo udal jaietarako kanpaina
Berdintasun Zerbitzuak Puntu Morea prestatuko du, eta, beharrezkoa izanez gero, harrera-gunea eskainiko du, eta eraso sexisten aurrean jarduteko protokoloa herritarren esku jarriko du.
Aranguren Ibarreko herrietako zaindariaren jaiak direla eta, Udalak, Berdintasun Zerbitzuaren bitartez, bat egiten du aurten ere ‘Nafarroan… Gozatu, partekatu eta errespetatu’ kanpainarekin, Nafarroako Berdintasunerako Institutuak bultzatua. Ekimen honen helburua gune eta harreman guztietan indarkeria sexistak prebenitzea eta jaietan tratu onak sustatzea da.
Kanpaina Nafarroako Gobernuko beste sail batzuekin koordinatuta dago, hala nola Osasun Publikoaren eta Lan Osasunaren Institutuarekin (ISPLN), Nafarroako Gazteriaren Institutuarekin eta Hezkuntza Departamentuarekin.
Horrela, ‘Mutiloan… Gozatu, Partekatu eta Errespetatu’ lelopean, Ibarreko Berdintasun Zerbitzuak jaiez errespetutik gozatzera gonbidatzen ditu herritarrak, indarkeria matxista mota oro arbuiatuz.
Aurreko urteetan bezala, kanpainako ekintza nabarmenen artean gazte-zonan kokatutako Puntu Morea dago, eraso sexisten arretarako, informaziorako eta prebentziorako gunea. Hala, Puntu Morea, beharrezkoa izanez gero, harrera-gunearen zerbitzua emango du, eraso edo jazarpenen kasuan laguntza profesionala emateko.
Aurten, iazko ordutegien luzapenari eutsiko zaio, eta, beraz, egun hauetan egongo da martxan:
- Ekainak 18, asteazkena: 22.30etik 04.30era.
- Ekainak 19, osteguna: 22.30etik 04.30era.
- Ekainak 20, ostirala: 22.30etik 04.30era.
- Ekainak 21, larunbata: 22.30etik 04.30era.
Era berean, Udaleko Berdintasun Zerbitzuak jai-guneetan eraso sexistak prebenitzeko Udal Protokoloa jartzen du herritarren eskura, balizko indarkeria-kasuen aurrean udalaren erantzuna bermatuz.
Aranguren Ibarreko Udalak herritarrei ardura kolektiboan eta elkarrekiko errespetuan oinarritutako jaiez gozatzeko eskatzen die, ingurune libre eta seguru batean gozatu ahal izateko.
Kontsulta ezazu kanpaina osoa hemen klik eginez.
Kontsultatu jai-guneetan eraso sexistak prebenitzeko Udal Protokoloa hemen klik eginez.