Ayuntamiento del Valle de Aranguren

Aranguren Ibarreko Udaleko Oinarrizko Gizarte Zerbitzuak, beste behin ere, 2025eko Udako Hiri-Kanpaldia antolatu du. Ekimen honen helburu nagusia ibarreko familien bizitza familiarraren, lanaren eta norberaren arteko bateragarritasuna erraztea da. Ekainaren 23tik 27ra eta uztailaren 14tik abuztuaren 29ra egingo da, eta 4 eta 12 urte bitarteko neska-mutilei zuzenduta dago. 

Parte-hartzaileek tailer tematikoak eta jarduera ludiko eta/edo kirol-jarduerak egingo dituzte, haien eguneroko bizitzan funtsezkoak diren eta zeharka lantzen diren kontzeptuen inguruan, hala nola kulturartekotasuna, ingurumenarekiko errespetua edo hezkidetza, besteak beste. 

Hiri kanpaldiek zortzi aste iraunen dute, eta familia bakoitzak gehienez ere bi aste hautatzen ahalko ditu parte hartzeko. Izena ematen duen hurrenkeraren arabera esleituko dira plazak, eta txandakakoak izan daitezke. Hala, udalekua gaztelaniaz, euskaraz edo ingelesez egin ahal izango da, eta hiru adin-talde egongo dira: 4-6 urte, 7-9 urte eta 10-12 urte. 

Tailerraren datak:
Ekainaren 23tik 27ra eta uztailaren 14tik abuztuaren 29ra, 2025ean. 

Ordutegia: 

• Jantoki zerbitzuarekin: 7.45etatik 15.15etara. (Irteera 14.30etatik 15.15etara bitartean egin ahal izango da). 

• Jantoki zerbitzurik gabe: 7.45etatik 14.00etara. (Irteera 13.30etatik 14.00etara bitartean egin ahal izango da). 

Bi kasuetan, sarrera 7.45etatik 9.00etara bitartean egin ahal izango da. 

Lekua:
San Pedro Ikastetxe Publikoa, Mutiloan. Hala ere, jarduerak beste leku batzuetan ere egin daitezke, zehazteke daudenetan. 

Hizkuntza:
Gaztelaniaz edo euskaraz egin daiteke (eguneroko jarduera bat ingelesez barne), edo ingelesez osorik (baldin eta izena ematen duen pertsonak ulermen eta solasaldi maila egokia badu). 

Prezioak erroldatutako pertsonentzat: 

• Haur 1: 50€ astean 

• 2 haur: 87,50€ astean 

• 3 haur: 115,62€ astean 

Prezioak erroldatu gabeko pertsonentzat: 

• Haur 1: 100€ astean 

• 2 haur: 200€ astean 

• 3 haur: 300€ astean 

Jantoki zerbitzuaren prezioa:
Bi kasuetan, jantoki zerbitzuak 45€ asteko kostua izango du pertsona bakoitzeko. 

Izena ematea:
948 012 012 (doakoa tarifa laua duten telefonoetarako) edo 012 (0,34€-ko dei-kostua) telefonoetara deituz, 08.00etatik 18.00etara. Ez da epez kanpoko aurretiko izen-ematerik jasoko!

• Erroldatutako pertsonak: 2025eko maiatzaren 27an eta 28an. 

• Erroldatugabeko pertsonak: 2025eko maiatzaren 29tik aurrera, betiere plaza libreak badaude. 

Onartutako pertsonek izen-ematea egin bitartean ordaindu beharko dute VISA txartelaren bidez: 

• Erroldatutakoentzat: 2025eko maiatzaren 27an eta 28an. 

• Erroldatugabeentzat: 2025eko maiatzaren 29an, plaza libreak badaude. 

Familiaren batek baja hartzen badu inskripzioa egin ondoren, edo Udalarenak ez diren arrazoiengatik kanpamendura joaten ez bada, ez zaio ordaindutako zenbatekoa itzuliko (ezinbesteko kasuetan izan ezik, hala nola, haurra edo gurasoa ospitalean sartzen denean…).

Oinarrizko Gizarte Zerbitzutik familiei gonbidapena luzatzen diegu, euren seme-alabak udaleku honetan izena ematera anima daitezen, eta uda honetan dibertitzeko, ikasteko eta ospatzeko aukera paregabeaz gozatu dezaten!