‘Aranguren Ibarreko XII. Duatloia’ datorren martxoaren 15ean, igandea, iritsiko da Mutiloara
Kirol-jardunaldi honetan parte hartzeko izena emateko epea martxoaren 9an, astelehena, itxiko da.
Beste urte batez, Aranguren Ibarreko Triatloi Kirol Elkarteak ‘Aranguren Ibarreko XII. Duatloia’ antolatzen du, Mutiloako udalerriko kirol ekitaldi garrantzitsuenetako bat. Datorren martxoaren 15ean, igandea, izango da, Mutiloa plazan, Aranguren Ibarreko Udalaren eta Nafarroako Triatloi Federazioaren laguntzarekin.
Aurreko urteetan bezala, jardunaldia 9:45ean hasiko da Nafarroako Kirol Jokoetako (NKJ) probekin. Ondoren, 12:30ean, gizonezkoen proba absolutua egingo da, 5 km oinez, 18 km bizikletaz eta 2,5 km oinezko ibilbidea izango duena. Horren atzetik, emakumezkoen proba absolutua (12:33etan) eta erreleboen proba (12:36etan) hasiko dira.
Jardunaldiari amaiera emateko, duatloi herrikoia izango da, 13:00etan Mutiloa plazatik hasita. Modalitate honek 2,5 km oinez, 10 km bizikletaz eta 2,5 km oinezko distantzia izango du, eta publiko guztientzat egokia da. Helburua txirrindularitza eta korrika uztartzera ohituta ez dauden edo distantzia eskuragarria duen proba batean lehen aldiz parte hartu nahi duten pertsonen artean kirol honen praktika sustatzea da.
Proba guztiak amaitu ondoren, 14:30ean aldera sari-banaketa egingo da, Mutiloa plazan bertan kokatutako podiumean.
Proba guztietarako izen-emateko epea martxoaren 9ra arte, astelehena, egongo da zabalik, eta izen-ematearen prezioei, ibilbideei eta ordutegiei buruzko informazio guztia hemen klik eginez kontsulta daiteke.
Kirol-hitzorduari buruzko edozein zalantza izanez gero, interesa duen herritarrak Aranguren Ibarreko Triatloi Kirol Elkartearekin jar daitezke harremanetan, helbide elektroniko honen bidez: triatlonaranguren@hotmail.es.
Aranguren Ibarreko Udaleko Kirol Zerbitzuak herritarrak jardunaldi honetan parte hartzera eta kirolez, laguntasunez eta emozioz beteriko egun batez gozatzera animatzen ditu.
