Elkarretaratzea eta irakurketa instituzionala, martxoaren 8a, ‘Emakumeen Nazioarteko Eguna’, dela eta
Ekitaldia 2025eko martxoaren 7an, ostirala, 12.00etan, izango da Mutiloako Mutiloa Plazan.
‘Emakumeen Nazioarteko Eguna’ dela eta, Aranguren Ibarreko Udaleko Berdintasun zinegotzigoak elkarretaratzea deitu du 2025eko martxoaren 7rako, ostirala, 12.00etan, Mutiloako Mutiloa Plazan. Ekitaldian M8aren harira Adierazpen Instituzionala irakurriko da eta ‘La Farruka’ batukadaren musika-laguntza egongo da. Udalak herritar guztiei dei egiten die, bat egin dezaten elkarretaratze horrekin, genero-berdintasuna aldarrikatzeko.
Aranguren Ibarreko Udalak bat egin du aurten ere ‘Emakumeen Nazioarteko Egunaren’ kanpainarekin, ‘Desberdintasuna errealitate, justizia lortzeke’ lelopean. Kanpaina hau Nafarroako toki eta lurralde entitateetako Berdintasun Zerbitzuek bultzatu dute. Gainera, gure ibarraren kasuan, elkarretaratzeak Adierazpen Instituzional bat du, berdintasun-teknikarien sareak sustatua. Hala, bere helburua berdintasun formala legeetan eta araudietan aitortuta egon arren, genero-berdintasun erreal eta eraginkorra oraindik ere justizia sozialeko kontu bat dela azpimarratzea da, eta oraindik ere ebazteke dagoela.
Aurtengo kanpainak, gainera, emakumeenganako desberdintasun horretan fokua jartzen duten egoerak islatzen dituzten hainbat kartel sortu ditu. Horietan, hainbat gai jorratzen dira, hala nola desgaitasuna, zaintza-lanaren feminizazioa, genero-arrazoiengatiko soldata-arrakala, STEM titulazioen maskulinizazioa edo emakumeek Nafarroan zuzendaritza- eta botere-postuetan duten presentzia txikia.
Era berean, martxoaren 8an, larunbata, 13.00etatik aurrera Antoniuttitik Iruñeko Gaztelu plazara egingo den ‘Emakumeen Nazioarteko Egunaren’ manifestazioan parte hartzeko deia egin zaie herritarrei. Nafarroako hiriburuko mugimendu feministak deitu du manifestazio hori.
Kontsulta ezazu Adierazpen Instituzionala PDF formatuan (elebiduna).
Kontsulta ezazu Irakurketa Errezarako Adierazpen Instituzionala PDF formatuan (elebiduna).