Mutiloak ‘Aranguren Ibarreko XI. Duatloia’ hartuko du, publiko guztientzako probekin
Kirol jardunaldia 2025eko martxoaren 16an izango da, goizeko 9.45etik aurrera, eta izena emateko epea hilabete bereko 10era arte egongo da zabalik
Aranguren Ibarreko Triatloi Klubak 2025eko martxoaren 16rako ‘Aranguren Ibarreko XI. Duatloia’ antolatu du, Nafarroako Txapelketa Sprint distantzian izango duena (5 km – 18,2 km – 2,5 km). Ekitaldia Mutiloan egingo da, eta adin eta maila guztietako probak egongo dira.
Jardunaldia goizeko 9.45etan hasiko da Nafarroako Kirol Jokoetako (JDN) lehiaketekin, ekitaldiari hasiera emanez. Ondoren, 12.30etan, gizonezkoen proba absolutua abiatuko da, eta 12.33etan emakumezkoena. Errelebo proba, berriz, 12.36etan hasiko da.
Amaiera bikaina jartzeko, Duatloi Herrikoia izango da 13.00etan. Modalitate honek 2,5 km – 10 km – 2,5 km-ko distantzia du, eta publiko orokorrarentzat egokia da, ia edozein pertsonak duatloiaren munduan hasteko aukera izan dezan.
Izena emateko epea 2025eko martxoaren 10era arte egongo da zabalik. Tarifak eta beste hainbat xehetasun kontsultatzeko, egin klik hemen.
Aranguren Ibarreko Udaleko Kirol Zerbitzutik herritarrak jardunaldi honetan parte hartzera eta kirol eta emozioz beteriko egun batez gozatzera animatzen ditugu.
Kontsulta ezazu ekimenaren kartela hemen klik eginez.
