Korrika bi urtean behin AEK-k antolatzen duen errelebo-lasterketa erraldoia da. Lehenengo Korrika 1980. urtean egin zen eta aurtengoa 24. Korrika izanen da. Martxoaren 19an Atharratzen hasiko da eta martxoaren 29an Bilbon amaituko da. Hamar egunetan zehar Korrikak berriz ere 2.000 kilometro baino gehiago ibiliko ditu euskararen alde. Adin guztietako parte hartzaile ezberdinak, gelditu gabe, egun eta gauez, eskuz eskulekukoa pasatzen ibiliko dira. Lekuko horrek barnean lasterketa amaieran euskaldun ezagunen batek irakurtzen duen mezu bat izaten du, ordura arte sekretuan mantentzen den mezua.
Korrikaren hasierako helburua euskaltegien (helduen euskararen ikaskuntzarako zentroak) eguneroko lana indartzeko dirua biltzea izan zen. Gaur egun, helburu hori ere betetzen du, baina batez ere euskararen aldeko kontzientzia suspertzeko jarduera alaia eta anitza delako da garrantzitsua.
Euskara-herria naiz, bizitzeko era, izateko modua.
Suaren antzekoa naiz: beti bera, beti berri.
Ongi etorri nire etxera, gure etxera.
Iraganetik gaur egunera, ateak beti zabalik ditugun babesgunera.
Zu eta ni euskara gara. Bat gara.
Miloi bat euskaldun gara, eta gehiago izango gara.
Biziberritzen den komunitate aske eta irekia gara,
elkarrekin sortuko dugun etorkizuna.
Alderik alde zeharkatuko dugun Euskal Herria gara.
Eman hitza, eta eman pauso, erdigunean jartzeko aniztasuna eta elkar zaintzea.
Eman pausoa, eta aktibatu, lehen lerroan nahi dugu helduen euskalduntzea.
Guztiok gara ezinbesteko. Pertsona bakoitzak du balioa; hiztun bakoitzak, garrantzia.
Euskaltegian izena eman dugunok, euskara lehen hizkuntza dugunok, kanpotik etorri garenok,
euskaraz, Euskal Herrian, ikasi eta bizi nahi dugunok…
Guztiok herri bat gara. Euskara gara.
Aditu Korrikaren deiadarra.
Izan gaitezen dardara, izan gaitezen indarra.
Piztu da Korrikaren garra!…
Korrika Txikian partehartuz. Martxoaren 15ean ospatuko da Taxoaren.
Korrika Kulturalaren baitan Ibarrean antolatuko diren jardueretan parte hartuz:
‘Azken Eguzkilorea’Euskal mitologian oinarritutako antzerki saioa. Martxoaren 21ean Kultur Etxean (4€).
Aranguren Ibarreko Udalak 2001etik darama lekukoa eramaten eta Korrikari ekarpena egiten, Ibarrean kilometro bat erosiz, Ibarreko herritar guztien izenean.
24.Korrika MARTXOAREN 22AN pasako da Mutiloatik. Udalak, Irulegi IPko Guraso Elkarteak eta Irulegi Euskara Taldeak kilometro bana erosiko dute. Hiru kilometro horiek bata bestearen atzetik doaz eta horietan parte hartzera gonbidatzen zaituztegu.
13:15etik aldera iritsiko da Korrika Mendillorritik eta 13:30 inguru aterako da Lezkairutik. Jaitsi ezazu Korrikaren aplikazioa honen Aurrera joatea zuzenean jarraitzeko.
Oharra 20 minutu lehenago egotea komeni da.
Martxoaren 22an goizean zehar hainbat gauza antolatu dira San Txiki pasealekuan:
Ibarreko Korrika Txikia 2009. urtetik egiten da. Helburua Korrika handiko kilometroa finantzatzea du; baina batez ere, Korrika aurreko giroa berotzea eta Ibarreko elkarte eta talde ezberdinek euskararekiko duten inplikazioa eta motibazioa handitzea. Orain arte Ibarreko Korrika Txikia Taxoaren egin da.
Hemen dituzu aurreko urteetako Ibarreko Korrika Txikien zenbait bideo:
