Urtero bezala, aurten ere Olentzero eta Maridomingi Ibarrera etorriko dira. Aurten Labianon, Arangurenen, Taxoaren eta Mutiloan ikusi ahalko ditugu. Hemen topatuko dituzue Ibarrera iritsiko direneko informazioa eta horren inguruan antolaturiko jarduera eta berri guztiak.
_
Hurrengo abenduaren 24an, asteartea, Olentzero eta Maridomingi Ibarrera iritsiko dira. Ibarreko zenbait herritan ematen ahalko diegu ongi etorria:
Mutiloara arratsaldeko 17.30etan iritsiko dira Olentzero eta Maridomingi. Zehazki Mutiloabeitiko hilerriko parkinetik ikusi ahalko dugu nola iristen diren. Bertan, 17:30ean egon gaitezke haien zain, banatuko den txokolate beroa edaten.
Olentzero eta Maridomingi iritsi eta agurtu ondoren hasiko da Mutiloa plazara arte Mutiloako kaleak zeharkatuko dituen kalejira. Kalejira Irulegi kalea jaitsiz hasiko dugu eta aurrerago, eskuinera hartuko dugu Lakidain Mendia kalean. Kale Nagusiak berriz ere eskuin aldera hartuko dugu eta gero, kale Nagusian, esker aldera. Aranetxeako plazatxoan geldialdi txiki bat egingo dugu eta, gero, Frontoi kaletik pasa Mutiloa plazaraino iritsiko gara. Plazan Olentzero eta Maridomingirekin argazkiak ateratzeko aukera izango duzue (bakoitzaren mugikorrarekin).
_
Ibilbideak 18:00etatik 19:30era garraio publikoari eta ibilgailuen trafikoari eragingo die. Gainera, Aranetxearen inguruan ezingo da kotxerik aparkatu ordutegi horren bitartean, aurretik prestatuko denez espazioa, kotxeak beste toki batean aparkatu beharko dira.
Eskerrik asko zuen laguntza, ulermen eta erantzukizunagatik.
_
Aurten animaliek ez dute kalejiran parte hartuko eta ez ditugu ibilbidean zehar ikusiko, baina Mutiloabeitiko hilerrian, espazio ahalik eta egokituago batean kokatuko dira. Bertan hesiekin babestuak egongo dira. Animaliek jasan dezaketen estres maila ez areagotzeko hesiekiko distantziak errespetatu beharko dira, ezingo dira zuzenean animaliak ukitu eta ezingo zaie kanpotik jateko edo edatekorik eman. Beraz, animalien ongizaterako eskertuko genizueke arau hauek bermatzea.
_
Aurten bi prestaketa bilera egitea erabaki da, lehena azaroaren 6ean eta azkenekoa abenduaren 11an. Bilera hauetan udaleko hainbat arloko teknikari eta zinegotziek ibarreko hainbat kolektiboren ordezkari eta herritar partikularrekin elkarlanean Olentzero eta Maridomingiren ongietorriaren eguneko xehetasun guztiak zehazten dituzte. Zuk ere parte har dezakezu.
Euskara Zerbitzutik eskerrak eman nahiko genizkizueke guztioi egindako lanagatik!
