Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.

BERDEGUNEETAKO LANAK

Igurumena

Berdeguneetako landareak izaki bizidunak dira, eta gure arreta osoa merezi dute, ahalik eta apaingarriagoak izan daitezen. Zalantzarik gabe, garai batzuetan ikusgarriagoak izaten dira gure lorategiak; halaber, landare-espezie bakoitzak bere une gorena izaten du urte-sasoiaren arabera.

Iruñea hiribideko biribilgunea, Mutiloagoitin, bai neguan bai udan

Horregatik guztiagatik, urte osoan zaindu behar dira lorategiak, eta beharrezko neurriak hartu landare eta lore guztiekin.

  • Kimatze-lan gehienak udan egiten dira. Apaintzeko (zuhaitz, landaresi eta zuhaixkei forma jakin bat eman, loratzea suspertzea…) edota helburu funtzionalarekin (adar zakarrak kendu, kalterik sor dezaketenak batik bat) egiten dira kimatze-lanak.
  • Neguan, geldiunea izaten da begetazioan, eta landareek lan gutxiago egiten dute; zuhaitzak landatzeko garai egokia da.
  • Zuhaitz lehorrak ordezkatu, zuhaitz berriak landatu, herri-bideak, antzinako hondakindegiak, azalera handiak berreskuratzeko lanak… ezin dira beste urte-sasoi batean egin. Lan handia eskatzen dute horiek, eta lurrak egoera onean egon behar du, sasoiean. Hori guztia ezinbestekoa da landareek bizirauteko.
  • Zuhaitzen txorkoak hobetzen dira: ertzak leunduz, konposta emanez eta belar txarrak kenduz.
  • Beharrezkoa izanez gero, tratamendu fitosanitarioak eginen dira.
  • Lorategi eta zuhaixka multzo berriak jartzen dira, edo daudenak moldatu.
  • Lore-taulak diseinatzen dira hurrengo denboraldirako.

Taxoare: kimatze-lanak eta Lakidain: sastrakak kentzeko lanak (suteei aurrea hartzeko)

Udaberria:

  • Lore-taulak kolorez betetzen dira denboraldi berriko loreekin.
  • Soropilak bete-betean daude, eta ongarritu egin behar dira. Sega-lanen garaia da; baina, aurretik, garbitu egin behar da, eta lurrean barreiatuta dagoen zaborra kendu.
  • Belar txarrak hazten dira. Jorratu eta belar txarrak kendu txorkoetatik, landaresietatik eta lore-tauletatik.
  • Behar den lekuetan, sastrakak kendu behar dira; lan gogorra, baina beharrezkoa.
  • Soropil gehiago ereiteko une egokia da.
  • Zuhaixka eta landaresi jakin batzuk kimatzeko garaia da.
  • Ureztatze automatikoak prestatu behar dira, soropiletan behar den ur guztia emateko prest egon daitezen, udako beroari aurre egiteko.

Uda:

  • Soropila bete-betean dago udan, eta bi ebakialdi eman behar zaizkio. Era jarraituan eta behar den garaian egin beharreko lana da hori. Segatze-lanetan berandu hasteak soropila itsustea ekar dezake.
  • Sastrakak kentzeaz gain, soropila mantentzea da udako lan nagusia.
  • Ureztatze automatikoetan mantentze-lanak egin eta horien funtzionamendua zaindu egin behar da udan bereziki, soropila berdea egon dadin.
  • Karriketako landareontziak ureztatu behar dira; kolorea ematen diete gure karrikei.
  • Neguan bide-bazterretan landatutako zuhaitzei kasu egin behar zaie, baita berreskuratutako eremuei ere. Hastapen-urteetan, ureztatu egin behar dira, bizirautea nahi badugu.
  • Uda-bukaeran, hurrengo urterako plantazioak eta lanak prestatzen hasten dira: lurra makinaz mugitu lorategi berriak sortzeko, hurrengo neguko plantazioetarako zuloak egin, eta abar…
  • Beharrezkoa izanez gero, tratamendu fitosanitarioak egiten dira.

Zugardia, lorategia Zugardia, lorategia

Udazkena:

  • Soropila ebakitzea oso lan garrantzitsua da oraindik ere. Soropila eskarifikatu egiten da. Hartara, azaleko belarra berdea eta gaztetua izatea lortuko dugu, eta hurrengo udaberrirako bizi-bizia.
  • Jorratzen jarraitzen dugu, belar txarrak desagerrarazteko. Hostoak jasotzen hasten gara.
  • Soropila ongarritu egin behar da, urte osoan zehar agortutako erreserbak berritzeko.
  • Berdegune gehiago ereiteko garai egokia da.
  • Udaberrian eta udan egondako denboraldiko loreek beren zikloa amaitzen dute, eta negurako prestatzeko garaia da.
  • Zuhaixkak eta landaresiak kimatzen hasten gara.
  • Sastrakak kentzen jarraitzen dugu, eta belarrari tratamendua ematen, beharrezkoa izanez gero.

Mutilnova Mutilnova

Telefonoa: 649 39 86 70

Faxa: 948 24 34 91

E-Posta: aranguren@aranguren.es