Hasiera
>
AI-2. PEIO ETA OTSOAK – ARANIPUINAK

AI-2. PEIO ETA OTSOAK – ARANIPUINAK

ARANIPUINAK

Ibilbidea:

Ibilbide zirkular honek 4 kilometro inguru ditu. Ibilbidea, familian egiteko egokia, Taxoareko Erdi Aroko iturrian hasi eta amaitzen da, eta, pista tarteak baditu ere, batez ere bidexendetatik igarotzen da. Iturriaren ondoan, haurrentzako parkea eta askaldegia daude. Bidean antzinako toponimo batzuk non kokatzen diren jakiteko aukera izanen dugu, hala nola, Oiantxikia, Oianandia eta Auzalor. Horrez gain, Noaingo ubidearen ikuspegi ederra izango dugu edo duela 200 urte baino gehiago eraikitako otso-tranpa bat bisitatzeko aukera.

Hasiera: Erdi Aroko iturria
Distantzia: 3,86 km.
Desnibela: 115 m.
Gehieneko altuera: 513 m.
Zailtasun maila: ertaina
Denbora: ordu 1
Ibilbide mota: zirkularra

AUKERAK:

KONTUZ!
Arreta berezia jarri errepide-gurutzaketetan, ez zaitez despistatu.
Euria egiten duenean, bide-tarte batzuetan lokatz asko izaten ahal da.

Peio eta Otsoak

Peio Txikia urtero abelbidetik joaten da Taxoarera bere artaldearekin. Bere Taxoareko egonaldia asko gustatzen zaio, baina urte batez, dena da ezberdina. Otsoak gero eta gehiago hurbiltzen dira herrira Oianandia eta Oiantxikiatik eta jendea erabat beldurtuta dago. Peio Txikiak irtenbidea aurkituko du.

IBILBIDEA HASI AURRETIK

IBILBIDEAREN LABURPENA

IBILBIDE OSOA

Ibilbide hau herriko iturri gotikotik ateratzen da,

Peio Txikiak bere artaldearekin kanpalekua jarri zuen lekutik.

Bertan dituzue, ibilaldia egin ostean atseden hartzeko askaldegia eta jolasteko haur parkea ere bai.

Iturriaren kaletik Taxoareko mendilerrora doan bidea hartu eta eskuin aldean baben zelaia ikusiko dugu,

urte batean babak landatzeak lurra nitrogenatzen du hurrengo urteko gari uzta hobeagoa izan dadin.

Bide gurutzean ezkerreko pistatik egingo dugu aurrera (kotxeentzako itxita dagoen horretatik) eta

eskuin aldean ikusten den basotxoa herriko zabortegi zaharra zen.

Zabortegia itxi eta lurrez estali ondoren akaziekin batera zenbait zuhaitz landatu ziren: makalak, aranondo txinatarrak, intxaurrondoak, lizarrak…

Hurrengo bidegurutzean topatuko dugu

Peio Txikiak bere artaldearekin Taxoarera etortzeko erabiltzen zuen

Aezkoatik Milagrora doan ABELBIDEA eta eskuin aldera hartuko dugu OIANANDIA basorantz joateko.

Gogoan izango duzue, Peio Txikiak han topatu zituela otsoek hil zizkioten bost ardien gorpuak, ezta?

OIANANDIA

OIANTXIKIIA

Bidean, ezkerrean, abereentzako mauka topatuko dugu, basoa sasiz garbitzeko ekartzen dituzten abereak kamioietatik jaisteko erabiltzen dutena.

Pixka bat aurrerago izango dugu Noaingo Ubidearen edo akueduktuaren ikuspegirik politena.

Ubidea Subitzatik Iruñera arte doa 16,5 kilometrotan zehar. XVIII. mendean eraiki zen, Iruñera ura eramateko. Taxoarera iristean, lur-azpitik sartu eta berriz ere Zolinako mugan aterako da kanpora.

Taxoareko mendilerroa, OIANANDIA eta OIANTXIKIA, lehenago hariztia omen zen. Baina bertako herritarrak zuhaitzak moztuz joan ziren eta, azkarrago hazten zirenez, pinuak sartu zituzten haien ordez.

Duela 25 urte edo, sute handi baten ondorioz, pinu-basoa erabat suntsituta geratu zen eta berriz ere pinuak landatu zituzten, baina ez zuten aurrera egin. Bigarren saiakeraren ondotik, euren kabuz haritzak ateratzen hasi zirela ohartu ziren, lur-azpian sustraituta jarraitzen baitzuten haritzek. Argi dago haritza zergatik den sendotasun eta biziraupenaren ikur! Ordutik hariztia dugu Taxoareko mendilerroan eta gaur egun herriko haurrek urtean behin haritzen ezkurrak landatzen jarraitzen dute bertako oihanak aurrera egin dezan.

Abelbidearen kartela ikusten dugunean, pista utzi eta basora sartzen den bide-xenda hartu beharko dugu.

Inguru honek AUZALOR izena du.

AUZALOR,

Toponimo hau Ibarreko ia herri guztietan errepikatzen da.

Bide horri eutsiko diogu eskuin aldean dagoen hesian otso-tranpa markatzen duen kartela aurkitzen dugun arte.

Otso zulo hau duela 200 urte eraiki zuten Taxoareko biztanleek. Bertan otsoei animalia hilak jartzen zitzaizkien, haien bila joaten zirenean zulora erori eta hil zitezen.

Ipuinean, Peio Txikiak eta Taxoareko herritarrek beldurra uxatzeko sortutako abesti-jokoan jolas dezakezue otso-zuloaren inguruan bertan, ibilaldia bukatutakoan jolas parkean edo… nahiago duzuen lekuan.

Bukatzeko, berriz ere bidexendara itzuli eta horri jarraituko diogu hasierako bidea topatu eta Taxoare herrira itzultzeko.

JARDUERA GEHIAGO

ARANIPUINAK ibilbide gehiago