Ibilbidea Aranguren herriko plazatik abiatuz elizaren eskuinaldetik doan gorazko bidetik hasten da. Bertan dagoen panelean topatuko duzu ibilbideari eta horrek zeharkatzen dituen toponimoei buruzko informazio gehiago.
Bidean aurrera eginez, eskuin aldean LIZARDI ikusiko dugu.
LIZARDI dermioan ipuinak dioen bezala, soro bihurtu baino lehen, lizarrak ziren nagusi, Ibarrean erraz eta maiz bere kabuz ateratzen diren zuhaitzak.
Gaur egun, oraindik ere soroaren erdi-erdian lizar bakarti bat ikus daiteke.
|
Ipuineko erleak Lizardiko loreetan zehar ibiltzen ziren, gero eztia eta argizaria egiteko.
|
Bidean aurrera eginez, eskuin aldean LIZARDI ikusiko dugu. LIZARDI eskuin aldean dugula, ezkerreko bidea hartu behar da, ur-gordailuaren aldera.
Hurrengo bidegurutzean, eskuineko pista utzi eta ezkerraldetik joango gara ur-gordailuaren atzeko aldean dagoen parking txiki batera arte.
Parking txikian bide-xenda baten hasiera topatuko dugu; hori hartu beharko dugu. Aurrerago berriz ere pistara eramango gaitu.
Pistan aurrera egin eta ezker aldean topatuko dugun bide-xendan bi edo hiru metro aurrerago, BEXUINGO ITURRIA topatuko dugu.
|
Ipuinak dioen bezala, BEXUINGO ITURRIA lehen lamien bizileku zen eta gaur egun animaliek ura edan ahal izateko zenbait bainera jarrita ditu.
|
Bertatik BORDAXAR eta bertako intxaurrondoa ikus daitezke.
|
Ipuineko erleak bertako intxaurrondoetako loreetan ibiltzen ziren, gero eztia eta argizaria egin ahal izateko. Gaur egun, erdi-erdian ikus dezakegun intxaurrondoa besterik ez da geratzen bertan.
|
Piska bat aurrera eginez, erlauntzak topatuko ditugu.
|
Zergatik ez duzu paraje horretan jarrita, Bordaxar eta erlauntzetara begira, hatz erakuslea zabaltzen eta airean Bake Ttitt egiten? Agian, horrela, Venturak dioen bezala, erleek arriskutsuak ez garela ikusiko dute eta eztia eta argizaria ekoizten jarraituko dute…
|
Erleei “Bake Ttitt” egin ondoren, goiko pistara itzuliko gara. Pistatik piska bat aurrera egin eta aurkituko dugun hurrengo bidegurutzean, eskuin aldera hartuko dugu.
Bideari jarraituz ataka batekin topatuko gara. Hartatik pasa ondoren, itxi mesedez animaliak bertatik ez pasatzeko.
Hurrengo bidegurutzean eskuinera hartuko dugu pinudi batera sartzeko.
Aurreragoko argigune batean, eskuin aldera begiratuz gero, Tangorriko kaxkoa ikusiko dugu. Suebakia Ardanaz eta Arangurenen arteko muga da.
Ezker aldera Zolina eta Taxoare ikus daitezke. Hemendik aurrera Ardanazen sartuko gara. Pixka bat aurrerago Erreniegaren ikuspegi ederra izanen dugu.
Bidetik aurrera eginez, beste ataka bat aurkituko dugu sarri.
Hau pasatutakoan ere, ziurtatu itxita uzten duzuela.
|
Jarraian topatuko dugun parajeak ARTANTXULO izena hartzen du. Leku izen honen lehen zatia nondik datorren ez dago argi, baina bigarrenak (txulo edo zulo) Tangorri mendiaren azpiko sakonune bat dela adierazi nahi du.
|
|
Aurrerago, KOLOSTRIN izeneko dermiora iritsiko gara. Izen honen esan nahia ere ez dago argi baina “gorostien harana edo erreka” dela pentsa daiteke.
|
Bertan, euri asko egiten duenean izen bereko ur jauzia ikus daiteke.
Piska bat aurrerago adi ibili beharko dugu, argazkiko puntu honetan ezkerreko xenda batetik egin behar baitugu.
Aurrerago topatuko dugun hesia gurutzatu eta baherentzat ezkerrera eginen dugu.
|
Bide honetan adi ibiltzen bazarete, basurde eta azkonar oinatzak ikusten ahal dituzue.
|
|
Basurde oinatza
|
Azkonar oinatza
|
Pista amaitzean errepidearekin eginen dugu topo. Kontu handiz gurutzatu eta ezker aldera jarraituko diogu bide gorriari.
Piska bat aurrerago, berriz ere Ardanaz utzi eta Arangurenen sartzen garela adierazten duen kartela ikusiko dugu.
Metro batzuetara aurkituko dugu Lamiturriko ura duen baina berriki egin duten iturria. Iturri hau bide gorritik dabiltzanek errepidea ez gurutzatzeko egin zuten.
Berriz ere errepidea gurutzatuz gero, LAMITURRI iturrira hurbilduko gara,
|
ipuineko lamien azken bizilekua izan zeneraino. Hemen ere hatz erakuslea luzatu eta iturriko uretan Bake Ttitt eginez, lamiak Ibarrera itzultzeko ahalegina egin genezake….
|
Berriz ere bide gorrira itzultzeko errepidea gurutzatu beharko dugu. Adi!!
Bide gorritik Aranguren herrirako bidea jarraituko dugu eta bidean askaldegia aurkituko dugu.
Arangurenera iritsi, errepidea gurutzatu eta markesinaren ezker aldetik doan bidetik gora elizaraino itzuliko gara, hasierako punturaino.
Bidean, Aranguren herriko usategi dorrea ikusi ahalko duzu.
Amaitzeko, herriko iturri-harraskan tragotxo bat hartu ahalko dugu.
