Korrika bi urtean behin AEK-k antolatzen duen errelebo-lasterketa erraldoia da. Lehenengo Korrika 1980. urtean egin zen eta aurtengoa 23. Korrika izanen da. Martxoaren 14an Irunen hasiko da eta martxoaren 24an Baionan amaituko da. Hamar egunetan zehar Korrikak berriz ere 2.000 kilometro baino gehiago ibiliko ditu euskararen alde. Adin guztietako parte hartzaile ezberdinak, gelditu gabe, egun eta gauez, eskuz eskulekukoa pasatzen ibiliko dira. Lekuko horrek barnean lasterketa amaieran euskaldun ezagunen batek irakurtzen duen mezu bat izaten du, ordura arte sekretuan mantentzen den mezua.
Korrikaren hasierako helburua euskaltegien (helduen euskararen ikaskuntzarako zentroak) eguneroko lana indartzeko dirua biltzea izan zen. Gaur egun, helburu hori ere betetzen du, baina batez ere euskararen aldeko kontzientzia suspertzeko jarduera alaia eta anitza delako da garrantzitsua.
Harro herri, euskaraz jakin zein ez, har dezagun dimentsio orotan eragiteko konpromisoa, herria batuta. Harrotasunez! Konplexuak gainetik kendu, mugi dezagun euskararen herria, ingurua mugiarazi arte.
Harro hadi Kantauri itsasoa, Arabako mahats, Bardeako buztin. Harro zite Pirinioetako elur, Meatzaldeko burdina. Elkarrekin nahi ditugu pausoak egin, espazio berriak irabazi eta, hitzez zein ekintzez, aldarri egin.
Gauden harro garenaz, eta egiten dugunaz. Bete ditzagun etxe eta kaleak euskaraz. Harro plazan, online zein kanpoko bizitzan. Harro herri, eta harro KORRIKAn!
KORRIKAko petoa AEKko euskaltegietan, KORRIKAko dendetan, Taxoareko Korrika Txikian edo KORRIKA Ibarretik pasatzen den egunean erosiz.
Otsailaren 24an Arangurenen eginen den Bertso Bazkarian parte hartuz.
Martxoaren 10ean Taxoaren eginen den KORRIKA TXIKIAn eta ondorengo jardueretan parte hartuz.
Familian, elkartekideekin edo lagun artean ekarpena egin eta lekukoa eramanez, Irulegi Euskara Elkartearekin harremanetan jarri (611 80 48 15/irulegieuskarataldea@gmail.com) otsailaren 28a arte.
Aranguren Ibarreko Udalak 20 urte baino gehiago daramazki, 2001etik, KORRIKA Ibarretik pasatzen deneko kilometro bat erosi, Ibarreko herritar guztien izenean ekarpena egin eta lekukoa eramanez.
Zabalpena sustatuz:
KORRIKAren webgunera sartu zaitezke (www.KORRIKA. eus) eta sare sozialetan parte hartu.
KORRIKA KULTURALA dela eta antolatzen diren jardueretan parte hartu dezakezu.
23.Korrika MARTXOAREN 16an pasako da Mutiloatik. Udalak eta, Ibarreko talde eta elkarte ezberdinen ekarpenaz, Irulegi Euskara Taldeak kilometro bana erosiko dute. Bi kilometro horiek bata bestearen atzetik doaz eta horietan parte hartzeko gonbitea luzatzen dizuegu.
Lehenengo kilometroa, 484.a, Irulegirena izango da, 14:52ean hasiko da, Burundoa kalearen 16an.
Bigarrena Aranguren Ibarreko Udalaren kilometroa izango da, 485.a, kilometro hau 14:57ean, Ezkibel kalearen 9an hasiko da.
Oharra 20 minutu lehenago egotea komeni da.
Martxoaren 16an goizean zehar hainbat gauza antolatu dira Eguzki Plazako frontoian:
12:00etan Konpartsa aterako da erraldoi eta gaitariekin
12:30ean Aranguren Ibarreko Euskal Dantzari Txikiek egingo dute dantza emanaldia
13:00etan pintxo potea
14:00etan kalejira musikatua Korrika hasten den tokiraino
12:00: Korrika Txikia (Aranguren Ibarreko elkarte eta entitateen errelebo lasterketa). Parte hartu nahi baduzu, OTSAILAK 28 baino lehen Irulegi Euskara Elkartearekin harremanetan jarri: 611 80 48 15 edo irulegieuskarataldea@gmail.com
12:30: Dantzari txikiak eta gero pintxo-potea
14:00: Bazkari autogestionatua frontoian. Tiketak bazkarirako: Mahaikide bakoitzeko 1 €-ko tiket bat (Euskara Zerbitzuan, Kultur Etxean edo Aranetxean) Otsailaren 24tik martxoaren 4a arte.
Ibarreko Korrika Txikia 2009. urtetik egiten da. Helburua Korrika handiko kilometroa finantzatzea du; baina batez ere, Korrika aurreko giroa berotzea eta Ibarreko elkarte eta talde ezberdinek euskararekiko duten inplikazioa eta motibazioa handitzea. Orain arte Ibarreko Korrika Txikia Taxoaren egin da.
Hemen dituzu aurreko urteetako Ibarreko Korrika Txikien zenbait bideo:
