Ayuntamiento del Valle de Aranguren

Aranguren Ibarreko Tokiko Komunitate Energetikoaren Elkarteak komunitate energetiko gisa garatuko du bere jarduera, komunitate hori osatzen dutenen parte-hartze irekian eta borondatezkoan oinarrituta, eta helburu nagusitzat jarduera garatzen den eremuan bertako kideei ingurumen-, ekonomia- eta gizarte-onurak eskaintzea dutenak.

Udala, Aranguren Ibarreko kontzejuak eta herriak irabazi-asmorik gabeko elkarte bat sustatzen eta bultzatzen ari dira, batez ere Aranguren, Labiano, Zolina eta Taxoare kontzejuetan eta llundain eta Lakidain herrietan jarduerak egingo dituena.

Km0 energia jasangarria sortu nahi da estalkietan instalazio fotovoltaikoak jarriz, energia aurreztea eta autokontsumo kolektiboa sustatuz eta mugikortasun iraunkorra sustatuz.

ARANGUREN IBARREAN ENERGIA-KOMUNITATE bat sortzeko partaidetza-prozesurako INFORMAZIOA:

Partaidetza-prozesuari buruzko informazioa (.pdf – 124kb)

ZER?
Komunitate energetikoa. Aranguren Ibarrean sortuko da, Ibarreko Udalak eta Taxoare, Labiano, Aranguren, Zolina eta Lakidaingo kontzejuek energia sortzeko sustatuko dituzten proiektuen inguruan.

ZERTARAKO?
Aranguren Ibarrean energia berriztagarria sortzeko, modu kolektiboan kontsumitu eta haren kudeaketaz arduratuko den herritarren erakunde bat sortzeko.

NOLA?
Udalak sustatutako partaidetza-prozesu baten bidez. Prozesu horretan, interesdunek parte hartuko dute, eta komunitate horrek abian jarriko duen Talde Eragileko kide izango dira.

ZER DA TALDE ERAGILEA?
Herritarren talde bat, Komunitate Energetikoa martxan jartzeaz arduratuko dena. Horretarako, pertsona horiek parte hartzeko prozesuan zehar prestatu, gaitu eta kohesionatuko dira.

ZERTAN DATZA PARTE-HARTZE PROZESUA?
Saio batzuk egingo dira, Energia Komunitatea abian jartzeko beharrezkoak diren hiru elementuen inguruan dinamikoki eta taldeka lan egiteko.

• Energia Berriztagarriak
• Energia-komunitateei buruzko araudia
• Komunitatearen garapena eta talde-kudeaketa.

Udalak, enpresekin batera, proiektu kolektibo bat sortu nahi du industrialdean. Ekimen aitzindari eta berritzailea Nafarroan, Klima Aldaketaren eta Trantsizio Energetikoaren aurkako borrokan lagunduko duena, eragileak (enpresak, herritarrak eta administrazioak) gaituz autokontsumo partekatuan oinarritutako proiektu energetikoak gara ditzaten.

Industria-sektorean energia berriztagarria integratzea bultzatuko da, irtenbide energetiko iraunkor eta adimendunekin, nabeetako estalkiak aprobetxatuz eguzki-instalazio fotovoltaikoen bidez energia sortzeko.

Une honetan, diagnostiko teknikoaren fasea amaitu da, eta parte hartzeko prozesua diseinatzen ari dira. Laster argitaratuko da prozesu horren deialdia.